Glædelig jul og godt  nyt ar.... Orðið eitthvað langt síðan eitthvað var skrifað hér inn.... En vonum að árið 2009 verði eitthvað öðruvísi hvað það varðar Er búin að heita þetta klassíska áramótaheit, en það er að sjálfsögðu að koma sér úr þessu hringlaga jólakökuformi sem búið er að malla síðan í september á síðasta ári.. Vil frekar vera pínu kassi Eða kannski er það ekkert betra Annars byrjar skólinn hjá konunni ekki fyrr en á næsta mánudag...... Náði öllum prófunum, og er líka þetta litla ánægð með það... Er þá greinilega ekki bara sæt, heldur líka klár... muhahaha.... En ætla að fara að gera eitthvað.... Fá mér morgunmat er ágætis byrjun
Untill later

Klukk - Djöflus 

Já, kláraði um helgina það sem ég hélt honestly að ég myndi aldrei gera... Það er að keppa í Þríþrautinni... Jesssörí, synti 700 m á 15:40... Og mér finnst það bara asskoti góður tími ef tekið er tillit til allra þátta sem hafa áhrif á útkomu í svona keppnissundi..Synti fyrst á miðvikudagskvöldið, svona til að athuga hvursu lengi maður væri nú að þessu og hvort það tæki þá fyrir mig að byrja Þannig að nú hefur maður eitthvað til að stefna að Það er að verða undir 15 mín á næsta ári. og vera þá kannski búin að synda vegalengdina amk svona nokkrum sinnum áður en the actaual keppni fer fram. Verður svona "note to self" ÆFA SIG En mikið var þetta gaman,var í þessu líka frábæra liði, og takk fyrir mig elsku sveitameðlimir, Ber þar að nefna hlaupagikkinn Öldu Agnesi Gylfadóttir(akaOsianBolt) og sjálfan Magnús Guðjónsson(LanceArmstrong) og mig(MichaelPhelps) hehehe En svo gleymdum við að skíra okkur, Þannig að við urðum bara nafnlausa liðið :-) en við kláruðum þetta En ætla að einbeita mér að náminu aftur..
Untill later

Þú veist að það er 2008 ef.....



1. Þú ferð í Party og byrjar að taka myndir fyrir bloggið þitt.

2. Þú hefur ekki spilað kapal með alvöru spilastokk í nokkur ár.

3. Ástæðan fyrir því að þú ert ekki í sambandi við suma vini þína er af því
þeir eru ekki að blogga, ekki á MySpace og eða á Facebook .

4. Þú leitar frekar um alla íbúð af fjarstýringunni í stað þess að ýta bara
á takkann á sjónvarpinu.

6. Kvöldstundir þínar snúast um að setjast niður fyrir framan tölvuna.

7. Þú lest þennan lista kinkandi kolli og brosandi.

8. Þú hugsar um hvað það er mikil vitleysa að lesa þennan lista.

9. Þú ert of upptekin/nn að taka eftir  númer fimm.

10. Þú virkilega skrollaðir tilbaka til að athuga hvort þar væri númer fimm.

11. Svo hlærðu af heimsku þinni.

12. Sendu þetta á vini þina, settu þetta á bloggið þitt eða komdu þessu á framfæri einhverstaðar EF þú félst fyrir þessu... 
Aha ekkert svona fyrst að þú féllst fyrir þessu.

Sendu þetta á vini þina, á bloggið þitt eða komdu þessu á framfæri
einhverstaðar innan 2 mínútna og 14 sek eða minna og morgundagurinn þinn
verður besti dagur sem þú hefur upplifað .. hingað til!

En, ef þú bíður of lengi,
mun það ekki skipta neina því hverjum er ekki sama svona lista ... En
vinir þínar munu missa af frábæri skemmtun />

já, langt síðan síðast, var bara búin að gleyma þessu bloggeríi.. en  já Dýrafjarðardagar afstaðnir og það var náttúrulega alveg hellings gaman og ballið,já sæællll , ræðum það ekkert frekar en eins og allir vita þá var klikkað stuð og þessi hljómsveit var algjör snilld, fannst þeir líka alveg hellings skemmtilegir á kvöldvökunni eða hvað sem þetta kallast nú.en já, konan er komin að nýju í mekku, en það er að sjálfsögðu Vínbúðin, en er að vinna þar mið, fim, fös og aðra hverja laugardaga :-) en svo erum við bara alveg bráðum að fara út.... hlakka geggjað mikið til, en svo er bara ekkert víst að Gulli geti komist með þegar við förum út.... Langar að setja inn fullt af miður fallegum orðum um ákveðna útgerð og skippera en geri það ekki, en hann kemur þá bara þann 12 en við förum þann 5, hann nær þá helmingnum, það er betra en ekkert :-) en svo er maður uppfullur af jákvæðum hugsunum og þá reddast þetta allt endilega hugsið þið með mér að hann komist með okkur The more the merrier!!!
KOMA SVO, FYLLA!!!!

Það stoppaði stór trukkur á rauðu ljósi í Reykjavík. Ljóshærð kona stekkur út úr bílnum sínum, hleypur að trukknum og bankar á dyrnar.
Bílstjórinn skrúfar niður rúðuna og hlustar á hvað hún hefur að segja.
"Hæ ég heiti Lísa og þú ert að missa hluta af hlassinu þínu.
Bílstjórinn gerði ekkert með þetta og hélt bara áfram.
Þegar trukkurinn stoppaði aftur annars staðar á rauðu ljósi, stoppaði stúlkan hann aftur. Hún stökk út úr bílnum sínum og bankaði á dyrnar hjá bílstjóranum. Aftur skrúfaði hann niður rúðuna. Eins og þau hefðu aldrei talað saman, sagði sú ljóshærða skýrt og greinilega:
"Hæ, ég heiti Lísa og þú ert að missa hluta af hlassinu þínu.
Hristandi hausinn, hunsaði bílstjórinn hana aftur og hélt áfram niður götuna.
Á þriðja rauða ljósinu, þá gerðist það sama. Eins og stormsveipur stökk sú ljóshærða út úr bílnum, hljóp að dyrum bílsins og bankaði.
Bílstjórinn skrúfar niður rúðuna. Enn og aftur segir sú ljóshærða:
"Hæ, ég heiti Lísa og þú ert að missa hluta af hlassinu þínu."
Þegar það var komið grænt ljós, keyrði trukkurinn af stað með það sama að næsta ljósi. En þegar hann stoppaði í þetta skiptið, dreif hann sig út úr trukknum og hljóp aftur að bíl ljóshærðu konunnar. Hann bankaði á bílrúðuna og þegar hún skrúfaði hana niður, sagði hann: "Hæ, ég heiti Birgir, það er vetur í Reykjavík og ég er að keyra SALTBÍLINN."

já, kjellan sagði upp þessari líka fínu vinnu á æðislegum vinnustað. Hef nefnilega ákveðið að skella mér beint í djúpu laugina og sleppa kútunum og reyna fyrir mér í náminu... Langaði samt mest til að segja það engum ekki fyrr en um jólin kannski og þá til að segja fólki að þetta rétt hafðist þessi önnin eða þá að kjellan eisaði í gegnum þetta En já, er skráð og komin inn í frumgreinadeildina sem kennd verður frá Ísafirði í haust.. wish me luck gringos!! Nokkrir hér á eyrinni hafa vatt sér upp að mér og spurt mig hvort ég sé að flytja en ekki er það nú svo.. Aint rid of me yet En já, skemmtu ekki flestir ef ekki allir sér nokkuð vel á Sjómanndagsdiskóinu, ég dansaði að minnstas kosti það mikið að ég var með sperrur í fótleggjunum á mánudeginum.... Þetta var bara ógó gaman, en þátttakan í atriðunum hefði mátt vera meiri, játa það samt að ég var of sein á kappróðurinn og harma það. var alveg til í svo sem einn róður eða svo.
En já þar til síðar!!
over and out

já, börn, þau eru yndisleg en einnig geta þau reynt á öll þolrifin hjá manni....  Og svo eru gullkornin sem koma hjá þeim alveg hrein snilld. Dóttir mín segir iðulega að hún sé "búin að ganga frá sér" þegar hún meinar að sjálsögðu að hún sé búin að ganga frá eftir sig Svo er einn 6 ára sem er algjör snillingur í að láta í ljós sínar skoðanir á því hvernig lífið gengur fyrir sig Hans skoðun á því hvernig fólk þroskast. En sú skoðun er eftirfarandi: "Sko fyrst verður maður 1 árs ,svo 2, 3, 4,5,,6,7,8,9,10,11,12,13,14,15,16,17,18,19,2o og svo verður maður feitur og fullorðinn!!!!
þá vitum við það! allir þeir sem eru yfir tvítugu, þið eruð semsagt feitir og fullorðnir.... En svo eru náttúrulega til einstaklingar sem brjóta regluna en ég tel mig einmitt vera þannig einstakling Eis og ég segi ,algjörir snillingar þessi börn :-)

kominn mánudagur og konan orðin árinu eldri... en ekki hafa fleiri hrukkur látið á sér kræla, þær koma þá bara í massavís á næsta ári,.... Hver veit. En já, á laugardaginn verður að mér skilst hörkustuð á með"limum" Nesættarinnnar. En þeir hafa boðað komu sína í ónefndan hjalla í Kópavoginum á laugardagskvöldinu... Og eins og allir vita þá er það ekkert hálfkák. En læt ykkur vita það hér og nú, það verður enginn matur eða eitthvert fínerí í boði fyrir gestina. Aðalmálið er að koma og hittast og hafa gaman, en ef þér(nesættarmeðlimureðatengiliður) dettur í hug að koma með eitthvað til að bjóða hinum upp á , má vera vott og þurrt, skiptir ekki öllu, þá þiggjum við það með þökkum... Læt þakkirnar fylgja núna, gæti verið að þær gleymist á laugardagskvöldinu Og svo eru ekki nema 99 dagar þar til við förum í sólina!!! æðipæði!!! en já, sí jú leiter

Var búin að skrifa hellings og að vanda var þetta allt mjög hnyttið og fyndið, vel orðað og svona en svo ýtti ég á vitlausan takka á tölvunni og allt strokaðist út. En ætti nú frekar að segja: talvan gerði ekki það sem ég vildi og þurfti að hún gerði ! Asskotans drasl, kaupa bara nýja...
en varð bara að henda hérna smá inn, alveg að fara að koma að hittingnum hjá okkur, spennan farin að magnast og öfundin einnig í þeim sem ekki komast með hihihi
Og  það er svo töff tala við niðurtalninguna hjá mér 111! hún verður náttúrulega ekki svona töff ef lesturinn á þessum skrifum fer fram eftir miðnætti: jæja góða nótt!
og já hittingsinn!!!

já, það er komin staðsetning á geimið, hugsa samt að ég skelli því ekki hér upp á veraldarvefinn, svo að það verði ekki svona Dúfnahólar 10 partý En get gefið ykkur hint, þetta verður í Kópavoginum, þar sem hún Stuðrún heldur heimili.. Annars eru nánari upplýsinga að vænta á facebook.com, Svo hvað virkar betur en svona mann fram af manni fréttir, endilega láta alla sem að málið varða um þetta geim. Og hittumst að sjálfsögðu með góða skapið, enda ekkert við öðru að búast,
Don´t be a  stranger

já, las frétt á vísir.is í dag um að Fokker vél hefði tvívegis reynt að lenda á Ísafjarðarflugvelli í dag.. Ekki tókst það nú, en þá spyr ég til baka, var athugað hvort að blessaða skíðafólkið frá Akureyri gæti ekki bara lent á vellinum á Þingeyri. Stórefast um það. En hugsa sér, geta lent á Þingeyri án teljandi vandræða og svo til að gera ferðalagið enn skemmtilegra hefðu greyin getað rennt sér á heiðinni...
pæld í því!

Fatta ekki tilganginn með þessum flotta velli ef hann á bara að drappast niður og engin notkun á að vera!

Já, hvernig væri að við þessi "yngri" myndum hittast og skrafa saman og hafa gaman
planið er fyrsta helgin í maí... áhugasamir láti vita!!!!

Já, hún Sylvía Ólafsdóttir á afmæli í dag og er hún sko orðin eldgömul, eða svo sagði hún í dag alveg sjálf.. Fór náttúrulega til hennar í dag að óska henni til hamingju með daginn, og um leið og ég opna hurðina segir þessi elska: Ert þú með fylgju? (fylgja=dáinneinstaklingursemfylgirviðkomandi)  og ég sagðist náttúrulega ekki hafa hugmynd um það. En svo fékk hún afmælisóskir og þeim var svarað svona : jáh, það er munur að vera orðin eldgömul.. En það sem mér finnst alveg uppáhalds við hana er það þegar hún segir eitthvað eða spyr að einhverju, þá er hún iðulega búin að svara sjálf áður en manni tekst að huxa svarið.. En já svona er þetta, nóg komið af þessu.. fór í ræktina áðan, sem er náttúrulega ekki á net færandi nema fyrir það að Drekinn lét okkur gera æfingu sem ég kýs að kalla :hnébeygjan sem þú gerir helling af og þá er komin EIN!.. Algjör geðveiki.. en Beauty IS pain, literally!

En jáh, uppþornaða brúnkakan frá jólunum!